my 1st egg tart (homemade)

今日好得閒.無咩野做.於是就係屋企整下tea食下先..整咩好呢.之前上網睇過egg tart.好似幾吸引0甘bor.好啦.就整一整先...因為我只有2個人.5個模..於是我加加減減之下.得出以下既份量.

材料: (撻皮)

低筋麵粉 -- 85g
牛油 -- 45g
砂糖 -- 20g
雞蛋 -- 1茶匙
三花淡奶 -- 4g








材料: (蛋漿)
雞蛋 -- 80g
砂糖 -- 40g
三花淡奶 -- 25g
水 -- 100g

做法:
1+2/ 將低筋粉過篩, 牛油要係室溫及雞蛋要打散, 將牛油+砂糖放入大碗內用打蛋器打至發白泡, 加入淡奶及雞蛋打散, 用打蛋器攪勻, 然後加入低筋粉用手搓成麵團

3+4/ 搓好麵團之後, 用保鮮紙包好,放入雪櫃雪1粒鐘, 完成後取出麵團, 平均分成5小舊

 4/ 當麵團係雪櫃雪ing時.可準備蛋漿, 先將水+砂糖加熱至熔, 待涼後..... 雞蛋+淡奶攪勻, 加入已涼既糖水內, 不停攪勻, 再用隔篩...篩2次, 令蛋漿滑身

5/ 將5小舊既麵團放入模中,平均地將麵團轉轉轉.壓壓壓..... cover全個蛋撻模內

6/ 將蛋漿倒入模入至9成滿

7/ 以250c焗15分鐘, 完成!!

tips:
1/ 全程我只用了一隻蛋 (撻皮用1茶匙) (其餘既就放晒入蛋漿內)
2/ 麵團放入撻模係需要少少技巧..可能我1st整..而我手勢都整得麻麻地..5多平均架都
3/ 焗既時候, 我放入焗爐中層, 之後我怕蛋好快loan..所以我係蛋面上面浦左一層錫紙cover...隔一隔..等d蛋5好0甘快熟...

食後感:
1st次.無loan蛋...d皮好似cookie0甘脆..味道5甜..又夠份量..我可以講比自己80分..^^
我會整多次既.
不過.蛋撻呢.新鮮出爐係好好食..幸好我較arm 5小個既份量.不然..2個人係樹.真係有排食ar..